<?xml version="1.0" encoding="UTF-8"?><song><title>Abeka palʋmmi hokʋt ƲIT148</title>
<lyrics>[V1]
 Abeka palʋmmi hokʋt
 Ʋmi shilombish in chuka
 Haknip a̱ aka bohlikma,
 Ʋm ʋlhpiesa hak inli.

[V2]
 Ʋba ya̱ pit anukfillit
 Pisa li kʋt ʋm achukma;
 Chisʋs ʋt et sa hoyoshke,
 Ahni li kʋt, sa yukpʋshke.

[V3]
 Na̱ hotupa a̱ palʋmmi
 Kia, ʋm ʋlhpiesʋshke;
 Chisʋs ʋt a̱ hullo hoka,
 Isht akostininchi lishke.

[V4]
 Nana palʋmmi ilʋppa
 Kanʋllicha chi̱ hak inli,
 A bilia chi̱ keyushke,
 Ahni li kʋt, sa yukpʋshke.

[V5]
 Chisʋs Klaist a̱ hullo kʋto
 Ai a̱hlit bilia yoke;
 Ʋba ya̱ sʋsht ona chi̱shke,
 Ahni li kʋt, sa yukpʋshke.

[V6]
 Nana apihi̱sa tok a̱
 Anukchieto li hoke;
 Yʋmma ibbak a̱ fo̱ka li,
 Ahni li kʋt, sa yukpʋshke.

[V7]
 Nana ho̱ ik sʋm ahni cha,
 Ik sa kanimihchi kia,
 Ʋm ʋlhpiesa he bano;
 U̱ha il im issa lishke.</lyrics>
<hymn_number>148</hymn_number>
<author>L. F.</author>
<aka>Afflictions</aka>
</song>